Курс НБ на 11.12.2018 $69,8300 €79,4526

Коомдук кеңештердин мүчөлөрүн шайлоо боюнча сынак уланууда

Вакансия
09 - Август 2018
www.erkintoo.kg
435
Өлкөдө жети мамлекеттик органдын коомдук кеңештеринин иш мөөнөтү аяктагандыгына байланыштуу, аталган кеңештерге мүчөлөрдү тандоо боюнча Комиссия коомдук кеңештерге сынак жарыялады.
Сынак төмөнкү мамлекеттик органдардын коомдук кеңештерине жарыяланды:
Өзгөчө кырдаалдар министрлиги;
Отун-энергетика комплексин жөнгө салуу агенттиги;
Интеллектуалдык менчик жана инновациялар кызматы;
Архитектура, курулуш жана турак-жай комплекси агенттиги;
Монополияга каршы жөнгө салуу агенттиги;
Курчап турган чөйрөнү коргоо жана токой чарбасы агенттиги;
Ветеринардык жана фитосанитардык коопсуздук боюнча инспекциясы.
Сынакка бизнес чөйрөсүндөгүлөр, эксперттер, өкмөттүк эмес уюмдар менен ар кандай ассоциациялардын өкүлдөрү катыша алышат.
Коомдук кеңеш мүчөлөрү 2 жылга тандалат. Сынакка катышуу үчүн арыз, резюме, коомдук кеңеште кандай иштерди аткарып, кандай аракеттерди көрөөрү тууралуу кыскача баяндама жана эки уюмдан рекомендациялык кат керектелет.
Мамлекеттик органдардын коомдук кеңештери 2011-жылы мурдагы Президент Роза Отунбаеванын демилгеси менен түзүлгөн. Кеңештер атайын мыйзамдын негизинде иш алып барат жана алардын негизги максаты – мамлекеттик органдардын ишин көзөмөлдөө болуп саналат.


Комментарийлер

Эч бир пикир жарыялана элек

Posting comments after 3 месяца has been disabled.