Турнирге 15 өлкөнүн дзюдо чеберлери катышты. Талаа ээлери аталган Тажикстандан 15 балбан намыс талашты. Жыйынтыгында жергиликтүү балбан Саиджалол Саидов жеңүүчү болуп, президенттин кубогу менен кошо 7 миң доллар сыйлык алды. Экинчи орундагы дагы бир тажик балбаны 4 миң доллар алды. 3-орундарды ээлешкен кыргызстандык Шахриер Идрисов менен түркмөнстандык дзюдочуга 2 миң доллардан берилди. Былтыркы турнирде украиналык балбан жеңүүчү болгон.
Асан Жунусов