Курс НБ на 22.09.2020 $79,2643 €93,0682

Усмановдун байлыгы эмес, эмгеги жогору бааланды

Саясат
22 - Декабрь 2016
www.erkintoo.kg
549
Орусиялык миллиардер Алишер Усманов Өзбекстандын Наманган облусунун Чуст шаарында 1953-жылы туулган.
Ал USM Holdings компаниясынын негиздөөчүсү. Байлыгы 20 млрд долларга жакын жана орусиялык байлардын жалпы тизмесинде 3-орунда турат. 2007-жылы 17-сентябрда ал Сотбис аукционунан Мстислав Ростропович менен Галина Вишневскаянын сатыкка коюлган коллекцияларын 111,750 млн долларга сатып алган жана Орусиянын Өкмөтүнө тартуу кылган. Учурда коллекциялар Санкт-Петербургдагы Константинополь сарайында сакталууда.
2014-жылы 4-декабрда Алишер Усманов Нью-Йорктогу Christie’s аукционунда Джеймс Уотсондун Нобель сыйлыгын 4,1 млн долларга сатып алып, сыйлык ээсине кайтарып берген.
Орусиянын Муфтийлер кеңеши болсо Алишер Усмановду “Аль-Фахр” ордени менен сыйлады. Сыйлыкты Муфтийлер кенешинин башчысы Равиль Гайнутдин Москванын собордук мечитинин башкы залында тапшырды.
Орусиянын муфтийлер кеңешинин башкы сыйлыгы болуп эсептелген “Аль-Фахр” ордени 2003-жылы уюштурулган. Буга чейин орден Чеченстандын президенти Рамзан Кадыровго жана Татарстандын биринчи президенти Минтемир Шаймиевге ыйгарылган.
Атай АЛТЫМЫШЕВ


Комментарийлер

Эч бир пикир жарыялана элек

Posting comments after 3 месяца has been disabled.