Курс НБ на 17.12.2018 $69,8320 €79,0708

Президент Сооронбай Жээнбеков Монголиянын экс-президенти Намбарын Энхбаярды кабыл алды

Саясат
08 - Октябрь 2018
www.erkintoo.kg
91

Кыргыз Республикасынын Президенти Сооронбай Жээнбеков бүгүн, 8-октябрда Кыргызстанга Эл аралык Ысык-Көл форумуна катышууга келген Монголиянын экс-президенти Намбарын Энхбаярды кабыл алды.

Президент Сооронбай Жээнбеков ардактуу мейманга «Чыңгыз Айтматов жана учур чакырыктары» Эл аралык Ысык-Көл форумуна катышкандыгы үчүн ыраазычылык билдирди.

«Сиздин жана көптөгөн чет элдик меймандардын азыркы учурдун көрүнүктүү жазуучу-гуманисти, мамлекеттик жана коомдук ишмер Чыңгыз Айтматовдун 90 жылдык юбилейине арналган Форумга катышуусу учурда көтөрүлүп жаткан дүйнөлүк маселелердин актуалдуулугун дагы бир жолу ырастап турат», — деп белгиледи Мамлекет башчысы.

Монголиянын мурдагы президенти бул иш-чаранын дүйнөнүн элдерин жакындатуу жана учурдун актуалдуу талаптарын чечүүдөгү маанисин белгилеп, улуу жазуучуга арналган форумду жогорку деңгээлде уюштургандыгы үчүн Президент Сооронбай Жээнбековго ыраазычылык билдирди.

«Чыңгыз Айтматов — кыргыз элинин гана чыгаан уулу болбостон, дүйнөнүн бардык көчмөн элдеринин сыймыгы болгондуктан, мен бул Форумга катышууну өз милдетим деп эсептедим», — деп белгиледи Монголиянын экс-президенти Намбарын Энхбаяр.



Комментарийлер

Эч бир пикир жарыялана элек

Комментарий кошуу