Курс НБ на 23.06.2018 $68,2440 €79,6305

Президент Сооронбай Жээнбеков: Мамлекеттик туубуз элибиз кылымдар бою эӊсеп келген эркиндиктин белгиси катары улуттук сыймыкка айланды

Саясат
03 - Март 2018
www.erkintoo.kg
117
Кыргыз Республикасынын Президенти Сооронбай Жээнбеков кыргызстандыктарды Мамлекеттик туунун күнү менен куттуктады.
Мамлекет башчысынын куттуктоосу:
“Урматтуу мекендештер!
3-мартта Кыргыз Республикасынын мамлекеттүүлүгүнүн башкы символу – мамлекеттик туусу алгачкы ирет көккө желбиреп, эгемендүү Кыргызстандын тушоосу кесилгендиги тууралуу  дүйнөгө жар салган.
Мамлекеттик желегибиз элибиз кылымдар бою эӊсеп келген эркиндиктин белгиси катары улуттук сыймыкка айланды. Ар бир жарандын жүрөгүнө  мекенчилдиктин,  өз элин, туулган жерин сүйүү сезимин калыптандырып, уюткулуу элибизди биримдикке жана ынтымакка, эмгекке жана жаратмандыкка чакырып турат.
Кыргызстандын мамлекеттик туусу элибизди улам  жаӊы бийиктиктерге шыктандырып, өлкөнүн намысын, кадырын бийик көтөрүүгө  дайыма дем берип келет.
Урматтуу кыргызстандыктар!
Сиздерди Мамлекеттик туунун күнү менен чын жүрөгүмдөн куттуктайм! Азаттыкты, мамлекеттүүлүктү даңктаган ушул жаркын майрамда  бардыгыңыздарга чың ден-соолук, бакыт-таалай жана ийгиликтерди, Кыргызстаныбызга  – тынчтык, биримдик жана ынтымак  каалайм!
Кыргызстандын  кызыл туусу ачык асман алдында эгемендиктин, эркиндиктин символу катары ар дайым  желбирей берсин!”


Комментарийлер

Эч бир пикир жарыялана элек

Posting comments after 3 месяца has been disabled.