Курс НБ на 12.12.2019 $69,8500 €77,4252

Президент Сооронбай Жээнбеков Борбордук Азия мамлекет башчыларынын экинчи Консультативдик жолугушуусуна катышууда

Саясат
29 - Ноябрь 2019
www.erkintoo.kg
33

Кыргыз Республикасынын Президенти Сооронбай Жээнбеков бүгүн, 29-ноябрда, Ташкент шаарында Борбордук Азия мамлекет башчыларынын экинчи Консультативдик жолугушуусуна катышууда 

Күн тартибинде кызматташууну кеңейтүү жана аймактагы өлкөлөрдүн жакынкы келечекке карата артыкчылыктуу багыттарын аныктоо маселелери турат.

Консультативдик жолугушуу тар курамда башталарда делегация башчыларынын чогуу сүрөткө түшүүсү болду. Андан кийин жыйын кеңейтилген курамда улантылат.

Экинчи Консультативдик жолугушууга Тажикстан Республикасынын Президенти Эмомали Рахмон, Түркмөнстан Президенти Гурбангулы Бердымухамедов, Өзбекстан Республикасынын Президенти Шавкат Мирзиёев жана Казакстан Республикасынын Туңгуч Президенти Нурсултан Назарбаев катышып жатышат.



Комментарийлер

Эч бир пикир жарыялана элек

Комментарий кошуу