Курс НБ на 21.11.2017 $69,7040 €81,8116

Премьер-министр Сапар Исаков Кыргызстанда өткөн Өзбекстандын Президенти Шавкат Мирзиёевдин мамлекеттик сапарынын жүрүшүндө жетишилген макулдашууларды ишке ашыруу маселелери боюнча жыйын өткөрдү

Саясат
13 - Сентябрь 2017
www.erkintoo.kg
70

Өкмөт башчы Сапар Исаков белгилегендей, Өзбекстан Республикасынын Президенти Шавкат Мирзиёевдин Кыргызстанда өткөн мамлекеттик сапары маанилүү окуя болуп калды жана Кыргыз Республикасынын Өкмөтү жетишилген макулдашууларды ишке ашыруу маселелери боюнча максималдуу чараларды көрүшү керек.

Премьер-министр эки мамлекеттин Өкмөттөрү тарабынан жетишилген макулдашууларды ишке ашыруу маселелери боюнча атайын иш чаралардын планы бекитилгенин айтып, Кыргызстандын мамлекеттик органдарынын жетекчилерине Ведомстволор аралык жумушчу планда көрсөтүлгөн бардык пунктарды сапаттуу аткарууну тапшырды.

Мындан тышкары Өкмөт башчы кыргыз-өзбек чек арасын аныктоо жана тактоо боюнча иштерди күчөтүү зарылдыгын баса белгиледи.

Жыйындын жүрүшүндө Экономика министри Артем Новиков Өкмөт башчысына маалымдагандай, Кыргыз Республикасынын Президенти Алмазбек Атамбаевдин Өзбекстан Республикасына боло турган жоопту мамлекеттик сапарынын алкагында бизнес форум өткөрүү жана Кыргызстандын ата мекендик товарларынын көргөзмөсүн өткөрүүгө карата кызуу даярдыктар жүрүп жатат.



Комментарийлер

Эч бир пикир жарыялана элек

Комментарий кошуу