Курс НБ на 13.12.2018 $69,8300 €79,0615

Кыргыз Республикасынын Өкмөтү: III Дүйнөлүк көчмөндөр оюндарынын ачылыш датасы белгиленди

Маданият
16 - Февраль 2018
www.erkintoo.kg
290

III Дүйнөлүк көчмөндөр оюндарынын ачылыш датасы белгиленди. Оюндардын ачылыш аземи 2018-жылдын 2-сентябрында Ысык-Көл облусунун Чолпон-Ата шаарындагы ипподромунда болот.

III Дүйнөлүк көчмөндөр оюндарынын спорттук мелдештери 36 улуттук спорт түрү боюнча өтүп, ага дүйнөнүн 80 ашык өлкөлөрүнөн 3000 тегерегинде спортчу катышары болжонууда. Иш чараны чагылдыруу үчүн 50 өлкөдөн 500 жакын жалпыга маалымдоо каражаттарынын өкүлдөрү чакырылат.

Белгилей кетсек, Кыргыз Республикасынын Премьер-министри Сапар Исаков 2017-жылдын 15-декабрында салтанаттуу иш-чаранын жүрүшүндө III Дүйнөлүк Көчмөндөр оюндарын уюштуруу жана өткөрүү боюнча даярдыктарды баштоого расмий старт берген.

Премьер-министр көчмөндөрдүн маданияты жана цивилизациясы бул дүйнө жүзүндөгү эң байыркылардан болуп саналат жана ал жыл сайын жаш муундар арасында кеңири сүймөнчүлүккө ээ болуп жатат деп белгиледи.

Өкмөт башчы III Дүйнөлүк көчмөндөр оюндарынын масштабын катышуучу өлкөлөрдүн иш-чарага карай кызыгуусунун өсүшү көрсөтөт, ошондой эле туристтердин биздин өлкөгө болгон ишеним деңгээлин жогорулатууга жана анын жагымдуулугун арттырууга көмөк көрсөтөт деп кошумчалады.



Комментарийлер

Эч бир пикир жарыялана элек

Posting comments after 3 месяца has been disabled.