Курс НБ на 19.06.2018 $68,3208 €78,9344

Ботаникалык бакта декоративдик гүлдөрдүн көргөзмөсү өттү

Коом
13 - Июнь 2018
www.erkintoo.kg
16
Э.З.Гареев атындагы Ботаникалык багындагы декоративдик гүлдөр бөлүгүндө шаардын жашоочулары жана коноктору үчүн декоративдик гүлдөрдүн көргөзмөсү болду. Көргөзмөдө келген коноктор гүлдөрдү кантип күтүү керектиги, кантип көбөйтүп, кантип дарылаш керектиги жөнүндө маалымат алышты.  Көргөзмө жөнүндө декоративдик гүлдөрдүн лабораториясынын башчысы, биология илимдеринин кандидаты Ирина Петровна Бондарцова төмөнкүлөрдү айтып берди:
- Бүгүнкү көргөзмөнү конокторго биздин лабораторияда кандай өсүмдүктөр өсөөрү жөнүндө маалымат берүү, көрсөтүү үчүн өткөрүп жатабыз. Ал эми көргөзмөдөн түшкөн каражаттарга оранжереяга өстүрүүчү өсүмдүктөрдүн үрөнү сатылып алынат. Өзүңүздөр билгендей, бул жылы катуу сууктан биздин оранжереядагы өсүмдүктөрдүн бир тобу соолуп калды.  Ал эми калганы кайра жандана баштады. өкүнүчтүүсү, ал жердеги тропикалык өсүмдүктөрдү үшүк уруп кетти. Бизде көп орун болсо, жаңы оранжерея курулуп калса анын баарын  өз калыбына келтиребиз деп ишенем. Биз адамдар кубансын деп эмгектенебиз. Себеби гүлдөрдүн сулуулугу адамдардын көңүлүн көтөрөт жана дем берет эмеспи.
Мээрим Бакыбек кызы


Комментарийлер

Эч бир пикир жарыялана элек

Комментарий кошуу