Курчап турган чөйрөнү коргоо жана токой чарба мамлекеттик агенттиги Бишкек шаарындагы конуштардын жана көчөлөрүндөгү абанын зыяндуулугун дрон жана атайын аба өлчөөчү аппарат менен текшерди. Жыйынтыгында  Лущихин — Клинская көчөлөрүнүн кесилишинде диоксид азот боюнча концентрациянын деңгээли тийиштүү нормадан 3 эсеге чейин жогору. Ал эми кирдин көрсөткүчү 2,5 эсеге көп. Месароша — Абдраев көчөлөрүнүн кесилишинде диоксид азот боюнча концентрациянын деңгээли тийиштүү нормадан 2,5 эсеге көп, кирдин көрсөткүчү 1,6 эсеге жогору. Москва — Үмөталиев көчөлөрүнүн кесилишинде диоксид азот боюнча концентрациянын деңгээли тийиштүү нормадан 2,3 эсеге көп, кирдин көрсөткүчү 1,5 эсеге жогору. Бакаев — Ахунбаев көчөлөрүнүн кесилишинде диоксид азот боюнча концентрациянын деңгээли тийиштүү нормадан 2,7 эсеге көп, кирдин көрсөткүчү 1,6 эсеге жогору экендиги белгилүү болду. Бул тууралуу агенттиктин басма сөз кызматы билдирди.