2017-жылдан тарта  Кыргызстанда улуттук валютанын IV сериясындагы жакшыртылган 200, 500 жана 1000 сом номиналындагы банкноттору жүгүртүүгө чыга тургандыгын  Sputnik Кыргызстан агенттигине Улуттук банк билдирди. 
Маалыматта айтылгандай жаңы банкноттор жакшыртылып, 2016-жылы кайрадан чыгарылды.  "Биринчиден, өзгөртүлгөн банкнотто портрет классикалык ыкма менен даярдалып, даана көрүнүп турат. Экинчиден, жарыкка салып караганда "сом" деген сөз окулат", — деп айтылат билдирүүдө. IV сериядагы жакшыртылган банкноттор мурда чыгарылган банкноттор менен чогуу жүгүртүүдө болот. 
Жазгүл Кенжетаева