Кыргызстан КМШ мамлекеттеринин ичинен Россиядан көп акча келген алдыңкы үч өлкөнүн катарына кирди. Бул тууралуу Россиянын борбордук банкы маалымат таратты. “Быйыл биринчи кварталда Россиядан Кыргызстанга акча которуу былтыркыга салыштырмалуу 8,3 пайызга өскөн. Биринчи кварталда Кыргызстанга 434 миллион доллар которулган. Былтыр мындан 36 миллион долларга аз акча келген”,-делет маалыматта.
Жазгүл Кенжетаева