Курс НБ на 22.09.2020 $79,1500 €93,3812

Кубатбек Боронов: Салык жол-жоболорун фискалдаштыруу өз натыйжаларын бере баштады

Экономика
26 - Август 2020
www.erkintoo.kg
61

Кыргыз Республикасынын Премьер-министри Кубатбек Боронов брифингде Кыргыз Республикасынын Өкмөтүнүн ушул жылдагы Иш-аракеттеринин планынын айрым багыттары жөнүндө айтып берди.

Өкмөт башчы салыктык процедураларды фискалдаштыруу долбоорунун алкагында быйылкы жылдын 1-июлунан тартып салыктык башкарууга санариптик платформаларды киргизүү процесси башталганын белгиледи. 

Анын айтымында, бул долбоордун алкагында электрондук эсеп-фактуралар, май куюучу станциялардагы автоматташтырылган система, электрондук товардык коштомо кагаздар, чекене соода кылуучу жайлардын баарына онлайн контролдук-кассалык машиналар орнотуу компоненттери киргизилген.

«Бүгүнкү күндө салык жол-жоболорун фискалдаштыруу өз натыйжаларын бере баштады деп айтса болот, – деди Премьер-министр. – Мисалы, Кыргыз Республикасынын Өкмөтүнө караштуу Мамлекеттик салык кызматы июль айында 6 млрд 859,1 млн сомду чогултуп, планды 109,9% аткарды, же 616,1 млн сомго көп чогултту. Өткөн жылдын ушул мезгилине салыштырмалуу 548,9 млн сомго көп салык түштү».

Кубатбек Боронов санариптештирүү багытындагы иштер толугу менен улантыларын кошумчалады. 

«2020-жылдын август айынан баштан патент менен камсыздандыруу полис бир документке бириктирилди, электрондук форматка өткөрүлдү. 2021-жылы 1-январдан тартып чакан ишкерлик үчүн жаңы салыктык режим кирет: 8 млн сомго чейин жүгүртүүсү бар болсо, ишкерлер салык отчетун тапшырбайт жана биринчи иштеген жылы салыктык ставкасы 0% (нөл) болот. Бул алар үчүн чоң колдоо болот деп ойлойбуз», - деди Премьер-министр.

Ал ошондой элек бардык ишкерлер үчүн бирдиктүү салыктык декларацияны толтуруу системасы жөнөкөйлөштүрүлөт, товарларды импорттоо процедураларын жөнөкөйлөштүрүү үчүн электрондук декларациялоо механизмдери киргизилерин айтты.



Комментарийлер

Эч бир пикир жарыялана элек

Комментарий кошуу