Курс НБ на 19.09.2017 $68,4643 €82,0613

Интернетте акимдин мектеп директорлорун сабаган видеосу тарады

Дүйнө
13 - Сентябрь 2017
www.erkintoo.kg
23

“Мен элдик районо башчысын (элдик билим берүү башкармалыгынын райондук бөлүмү – Ред.) ит сыяктуу сүйрөйм, чындыгында сен дагы күнөөлүүсүң. Эмне үчүн сен өзүңдүн районоңду сыйлабайсың?”,-деп кыйкырган мектеп директорлорун сабаган киши.

Ал директорлордун бирин жаакка чаап: “Мамлекеттин көз карандысыздыгы – сенин көз карандысыздыгың эмеспи?! Бул сен үчүн майрам эмеспи?!” деп андан ары директорлорду кемсинтүүнү уланткан.

Kun.uz интернет-басылмасы кабарлагандай, Сайхунабад районунда Эгемендүүлүк майрамы 25-августка белгиленип, андан соң 27-августка жылдырылган.

Айрым мектеп директорлору Эгемендүүлүк күнүн 27-августта белгилөө үчүн өз кишилерин кайрадан алып чыга албай калышкан. Айрымдары майрам башка күнгө которулганын билген эмес. Жыйынтыгында 27-августта тиешелүү деңгээлде эл чогулбай калган. Облус акими Эгемендүүлүк майрамын начар уюштургандыгы үчүн Носиржон Эгамбердиевге сөгүш жарыялаган. Район башчысы бул үчүн мектеп директорлорунан “өч” алган деп жазган басылма.

Носиржон Эгамбердиев Сайхунабад районунун акими болуп 2016-жылы октябрда дайындалган. Ага чейин ал Сырдарыя облусунун атайын орто жана кесиптик билим берүү башкармалыгынын башчысы болгон.



Комментарийлер

Эч бир пикир жарыялана элек

Комментарий кошуу