Криптовалюта – бул виртуалдык же санариптик валюта экендигин көпчүлүк биле бербейт. Алардын учурдагы эң эле популярдуусу Биткоин болуп саналат.
Ал blockchain технологиясынын негизинде түзүлгөн. Испаниялык Santander InnoVentures инвестициялык фондусунун далили боюнча blockchainдин арты менен инвесторлор финансылык операцияларды жүргүзүүдө жылына 20 миллиард долларга жакын каражатты үнөмдөп кала алышат. Учурда биткоиндерди банкоматтардан кадимки эле валюталарга алмаштырып алууга жана дүкондордон товар сатып алууга болот.
Кечээ, 2-марттагы виртуалдык соодалашууда биткоиндин наркы алтындын баасынан ашып түшүп, 1238 долларга бааланды. Бул биткоин үчүн тарыхый максимум болуп калды.
Атай АЛТЫМЫШЕВ